أطلال الأربعين

عدد المساهمات : 62 تاريخ التسجيل : 03/07/2011

أطلال الأربعين
سعد الليالي لأقبلـت تهـدي ورود ن للعبيـر=وأنا على جال الطريق ومـا هنيـت عبيرهـا
تمر وقت ادبارتـي وتعـود لا خالفـت سيـر=لا عانت الخطوه خطـاي ولا توافـق سيرهـا
تعبت يا بُعد النظر وتعبـت عاندنـي الشويـر=يا تدفن العبـرة بليـل يـا تتكـي لشويرهـا
اكفّر الكافـر ليا مِنـّـه سجـد خاشع كسير=أمام معبود ن سوى الله كيـف يجـدي كسيرها
الشعر لا منه ركع لأبليس يورده السعير=تقواه يا غالي أنا ما اقوى سموم سعيرها
جفّيت يا عود الغرام وحجّتـك تشبـه غريـر=ما قد مسك رضّاعته بيده ومـات غريرهـا
سوالفي بدنيا الخطر والجور في المعنى خطير=وتكسّر المجداف وأغرقنا الخطـر وخطيرهـا
روح ن تقاذف بالوله وتعشق الداني الضرير=وتنشغل بفتات فاني تابعه لضريرها
يا عونة الله يا عرب والذنب يزأر بي زئير=وتنهش أوقاتي المعاصي ويحتويني زئيرها
تمر أيام الشقى وإبليس يهدينا حرير=حرير مسموم وردي وننخدع بحريرها
الشمس تشرق للأمل ونقول باكر نستنير=وتغرب أيام العمر وما قدرنا ننيرها
ويلبس التسويف تاج ونقتدي به في المصير=يارب نغرق كل يوم وما عرفنا مصيرها
تكتّفت لوّامة ن في سجن تنظر من يطير=أفواج أرواح ن علت أمر الإله يطيرها
وتسيّدت أمارة ن تعبث بنا جمع ن غفير=وزمامها بيد اللعين اللي نهق لغفيرها
وتوسدت روحي الألم وتعانقت فيها كثير=ظلمي لنفسي والمعاصي قُلّها وكثيرها
كل الذي قد صار سولفته على ظهر السرير=النعش هو نفس السرير الفرق حمل سريرها
تعبت اسولف للأمل يا الله تهديني لخير=اليأس يقتله الأمل لا تقنطوا هو خيرها
ما آن لك أن تسجدي يا سنين عمري للكبير=وتحضني التوبة رجا يرويك عطف كبيرها
شبي قناديل النصب وتزيني لوقت النفير=بطاعة الرحمن سبحانه عليم نفيرها
وإلا البراءة تتجه ذي اليوم في جوف الصغيـر=يا ذاكرة نوحيك يا روح السنين صغيرهـا

حسن مدهش السهيمي

عدد المساهمات : 156 تاريخ التسجيل : 11/06/2011

مشكووور
ابو مدهش
عالمووووضووع

عدد المساهمات : 62 تاريخ التسجيل : 03/07/2011

مديرنا الفاضل

تواجدك انار النص وزادنا سرور

من الأعماق شكرا عزيزي

وفي امان الله

شكرا لك

عدد المساهمات : 62 تاريخ التسجيل : 03/07/2011

عزيزي

جهاد المميز

الشكر لله ثم لتواصلك عزيزي

لا هنت

وفي امان الله

عدد المساهمات : 3 تاريخ التسجيل : 04/09/2011

اخي الشاعر المبدع والقدير حسن مدهش السهيمي

صح لسانك واحساسك

لله درك من شاعر مدهش وقدير

قصيدة جزلة ومدهشة من شاعر جزل ومدهش ومبدع وقافية ماشاالله قمة في الروعة

امتعتنا بحق بقوة واستمتاع منقطع النظير

لا هنت اخي ولا هان قلمك المدهش
تحياتي ابو تركي

عدد المساهمات : 62 تاريخ التسجيل : 03/07/2011

أخي الفاضل

طلال ( أبا تركي )

حضرت نورا وأضفيت سرورا

إشادة افخر بها وأعتز من شخص بمكانتك الأدبية

صح بدنك وكلك ولا هنت ولا هان غاليك

كنف المولى يرعاك

وفي امان الله